bird/wagtail.note.htm
鶺鴒科既雀仔
adapted from 雀鳥辨認小學課程!
http://www.db-db.net/~owenc/Discuz/viewthread.php?tid=21939
本章就介紹一群咀較尖,會食蟲仔,細細隻但比麻雀大隻d,而且多數會係地面出現,
成日係個地行黎行去,尾巴長,體型比較纖瘦,肚腩唔太大,又會「un」pat(擺尾),
飛行時,路線呈上下波浪形,仲會邊飛邊叫既雀仔!
佢地就係鶺鴒科既雀仔啦!香港有紀錄既主要有4大鶺鴒,佢地係:林,灰,黃,白!
林鶺鴒主要係林底出現,過境及冬候鳥,比較少見,所以這次不作討論,
不過如果將來你係林底見到一隻左右「fing」pat既鶺鴒時,佢就好有可能係林鶺鴒啦!
餘下是灰,黃同白!呢3隻都係上下「un」pat既,比較常見!
牠們均可見於於任何乾及濕地!
灰鶺鴒為春秋過境及冬候鳥,偏好林區淡水濕地(例如:溪流),較少見於泥灘。
黃鶺鴒為春秋過境及冬候鳥,偏好泥灘,魚塘及農耕地,較少出現於溪流。
白鶺鴒為春秋過境、冬候及少數留鳥,可出現於任何生境(包括:任何乾及濕地)。
以下有d佢地既相,大家可以試下估下邊張係邊隻啦!
...
答案係:灰灰灰黃黃黃黃白白!
其實以上呢個練習想讓大家知道,有時當環境條件不佳,令你不能把該雀鳥仔細看情楚時,又或者牠的毛色令你不能好肯定牠是什麼品種時,生境會是另一個幫助到你的要點!
上文我說過黃鶺鴒偏好泥灘,魚塘及農耕地,但較少出現於溪流;而灰鶺鴒則偏好林區淡水濕地。所以若你有留意我的相片(五)至(七)均是於米埔或南生圍拍攝時,你其實可以估到這些是黃鶺鴒的機會會比較高!
另外,在外型及毛色上三種鶺鴒有以下的分別,大家也可以多加留意:
白鶺鴒 |
黃鶺鴒 |
灰鶺鴒 |
|
上背毛色 |
黑、灰 |
橄欖綠、褐灰 |
灰 |
腳 |
黑 |
黑 |
粉紅色 |
白鶺鴒和黃鶺鴒有很多不同的亞種(即同品種的雀鳥,在不同地理區域內,有輕微的分別!)。不同亞種的毛色有很多的變化。有興趣的朋友可以參考「香港及華南鳥類」一書及在論壇內搜尋一下各大師的精彩照片。